Zindagi ki Kitaab

Jo likhe the kabhi
Class mein baithkar
Dil ke armaanon ko pen se
Kaagaz pe utaarkar
Aaj woh khat milte hain kabhi kabhi
Un puraani kitaabon mein

Puraane khat, puraane jazbaat
Puraane din, puraane haalaath
Ankahi muhobbat, ansuni iltajaa
Aankhon mein woh anchalke aansoo
Labon pe aakarr ruke hue woh ankahe alfaaz
Aaj bhi mehek aati hai unn khaton se
Sunayi deti hai dhadkano ki awaaz

Cheekhte hain, pukaarte hain mujhe
Kehte hai uthao humein aur de do
Useh, jiska naam hai chipa harr alfaaz mein
Jiski ek awaaz sunne ke liye
Taras jaate the kaan
Jiske kareeb se guzarte hi
Saansein tham-si jaati thi
Jiski mehek aati hai aaj bhi meri yaadon se

Jo zindagi ki kitaab mein chipaaye rakhe hain...
Kuch dard hain Jo seene mein dabaaye rakhe hain...
Kuch khwaab hain Jo mere sone ki raah dekh rahe hain...
Kuch baatein hain Jo band hoton ke peeche gumsum baithi hain...

Khud hi jung ched di
Khud hi labzon ki talwaar chalaate rahe
Khud hi jeet ka jashn manaa liya
Kamse kam dekha to hota
Saamne wala lada hi nahi to haarta kaise
Usne chup rehkar tumhe jeeta diya.

Lekar un khaton ko haathon mein
Chumkarr labon se, lagaakar seene se
Kehta hoon… ...
Ab bahut der ho chuki hai.